የአለም ኤድስ ቀንን አስመልክቶ የንቅናቄ መድረክ በሀዋሳ ተጀመረ። በአለም አቀፍ ደረጃ ለ33ኛ ጊዜ ህዳር 22 የተከበረውን የአለም ኤድስ ቀን አስመልክቶ በሲዳማ ብሄራዊ ክልላዊ መንግስት በሀዋሳ ከተማ በፓናል ውይይት በተጀመረው የንቅናቄ መድረክ ላይ የፌደራል ኤችአይቪ/ኤድስ መከላከያና መቆጣጠሪያ ጽ/ቤት፣ የሲዳማ ብሄራዊ ክልላዊ መንግስትና የሀዋሳ ከተማ አመራሮች፣ ኤች አይቪ በደማቸው የሚገኝ ማህበራት አመራሮች የተገኙ ሲሆን በውይይቱ ላይ ስለኤችአይቪ ለማውራት ህዳር ብቻ መጠበቅ እንደሌለበት እና አመቱን ሙሉ ግንዛቤ የመፍጠር ስራው ተጠናክሮ መቀጠል እንዳለበት እና ኤችአይቪን በመከላከሉ ረገድ ሁሉም ባለድርሻ አካል ከጠባቂነት ስሜት ተላቆ የበኩሉን መወጣት እንዳለበት ከስምምነት ተደርሷል። በዕለቱ ለከተማው ነዋሪ ግንዛቤ ለመፍጠር የሰርከስ ትርኢት፣መነባንብ፣ጭውውትና የባህል ውዝዋዜ የማርሽ ባንድ ትርኢት ቀርቧል። በነገው እለት 35,000 ወጣት ሴቶች ተቀጥረው በሚሰሩበት የሀዋሳ ኢንዱስትሪ ፓርክ በርካታ ባለድርሻ አካላት በሚገኙበት የንቅናቄ መድረኩ ይጠናቀቃል።

WAD concept note